Friday, 24 May 2013

ரோட்டா வைரஸ்(rota virus) என்றால் என்ன? பகுதி : இரண்டு


ரோட்டா வைரஸ் என்றால் என்ன? part one here 


வயிற்றுப்போக்கு குறித்து மேலும் அறிய இணைப்பு


ரோட்டா வைரஸ் வயிற்றுப்போக்கால் இந்தியாவில் நிமிடத்துக்கு ஒரு குழந்தை மருத்துவமனையில் அனுமதிக்கப்படுகிறது

ரோட்டா வைரஸ் நோய்த்தொற்று மற்ற வயிற்றுப்போக்குகளை விட அதிகமான அளவில் நீரிழப்பு மற்றும் உப்பு சத்து இழப்பினை ஏற்படுத்தி உயிரை பறிக்க்கூடியது.

அறிகுறிகள்
      காய்ச்சல்
        வாந்தி
கடுமையான வயிற்றுப்போக்கு

வயிற்றுப்போக்கு ஒரு நாளைக்கு 20 முறைக்கு மேல் ஏற்படலாம். மேலும் இது ஐந்து முதல் பத்து நாட்களுக்கு நீடிக்கலாம்

சுத்தம், சுகாதாரம் மூலம் இதை தடுக்கமுடியுமா?
சுகாதாரத்தில் வளர்ச்சியடைந்த மேலைநாடுகளில் கூட இந்த வைரஸின் தாக்கம் அதிகம் ; காரணம்
   தண்ணீரில் பலநாட்கள் வரை உயிருடன் இருக்கிறது
   சோப், ஆண்டி செப்டிக் லோஷன்களால் திறம்பட அழிக்கமுடிவதில்லை
வெப்பத்தை எதிர்த்து வாழக்கூடியது
மேலும் காற்று மூலம் எளிதில் பரவக்கூடியது

மருத்துவம் :
  நீரிழப்பு மற்றும் உப்புசத்து குறைபாட்டினை தவிர்க்க ORS எனப்படும் கரைசலை தொடர்ந்து எடைக்கு தகுந்தவாறு தரவேண்டும்
இடைவிடாத வாந்தியினால் ORS கரைசலை குடிக்கமுடியவில்லையெனில் குழந்தையை மருத்துவமனையில் அனுமதித்து இரத்தகுழாய்(சிரை) வழியே நீர்சத்து திரவத்தை உள் செலுத்தவேண்டியிருக்கும்

வரும்முன் காப்பது எப்படி?



சுத்தம் ,சுகாதாரம் மூலம் ஓரளவு இதை தடுக்கமுடியும்
தடுப்பூசி மூலம் ரோட்டா வைரஸ் கிருமியின் நோய் தாக்கத்தைக் குறைக்கலாம்

எப்போது தடுப்பூசி போடவேண்டும்?
குழந்தை பிறந்த 6 வ்து வாரத்தில் முதல் தவணையும் ஒரு மாத இடைவெளியில் இரண்டாம் தவணையும் போடவேண்டும்
இரு தவணைகளையும் 6 மாதங்கள் பூர்த்தியடையும் முன்பே போட்டுவிடுவது நல்லது.
6 மாதங்களுக்கு பிறகு போடக்கூடாது.அப்படி போட்டால் சில பக்கவிளைவுகள் ஏற்படலாம்.

ரோட்டா வைரஸ் தடுப்பூசி போட்ட பிறகும் வயிற்றுப்போக்கு வருமா?
  வரலாம். இதர பாக்டீரியா மற்றும் வைரஸ் கிருமிகள் தொற்றினால் வயிற்றுப்போக்கு வரலாம் . ஆனால் கடுமையான , மருத்துவமனையில் அனுமதிக்க செய்யும் அளவுக்கு ரோட்டா வைரஸ் நோய் வராது
இதன் விலை எவ்வளவு/
ஒரு தவணைக்கு தோராயமாக 1000-1100 ஆகிறது.
ஒரு நல்ல செய்தி:
   ஒரு இந்திய நிறுவனம் புதிய தடுப்பூசியை உற்பத்தி செய்ய துவங்கியுள்ளது. இதன் விலை வெறும் 54 ரூபாயில் தரமுடியும் என உறுதியளித்துள்ளது . இந்த மருந்து அடுத்த ஆண்டு முதல் கிடைக்கும் என எதிர்பார்க்கப்படுகிறது


annexure : courtesy :BBC NEWS

Rotavirus kills more than 100,000 children in India every year


Scientists in India have unveiled a new low-cost vaccine against a deadly virus that kills about half a million children around the world each year.

Rotavirus causes dehydration and severe diarrhoea and spreads through contaminated hands and surfaces and is rampant in Asia and Africa.

India says clinical trials show the new vaccine, Rotavac, can save the lives of thousands of children annually.

An Indian manufacturer said the vaccine would cost 54 rupees ($1; £0.65).

International pharmaceutical companies produce similar vaccines but each dose costs around 1,000 rupees.

"This is an important scientific breakthrough against rotavirus infections, the most severe and lethal cause of childhood diarrhoea, responsible for approximately 100,000 deaths of small children in India each year," India's Department of Biotechnology official K Vijay Raghavan said.

"The clinical results indicate that the vaccine, if licensed, could save the lives of thousands of children each year in India," he added.

Rotavac will be made by Hyderabad-based Bharat Biotech. The company said it could mass-produce tens of millions of doses after clearance is given, expected in eight or nine months.

Thursday, 23 May 2013

ரோட்டா வைரஸ் என்பது என்ன? பகுதி-ஒன்று




ரோட்டா வைரஸ் என்பது என்ன?  பகுதி-ஒன்று


ரோட்டா வைரஸ் என்பது கடுமையான
வயிற்றுப்போக்கினை ஏற்படுத்தும் கிருமியாகும். ஐந்து வயதிற்கு குறைவான குழந்தைகளை அதிகம் பாதித்து நீரிழப்பினை ஏற்படுத்தி உயிரைப்பறிக்கும் ஒரு கொடூரமான வைரஸ் ஆகும்



உலகம் முழுவதும் வருட்த்திற்கு ஆறு லட்சம் குழந்தைகளை இது கொல்கிறது

ரோட்டா வைரஸ் – சக்கரம் போன்ற வடிவில் இருக்கும் (அதனாலேயே ROTA VIRUS என்ற பெயர்)

ரோட்டா வைரஸ் வெகு சுலபமாக பரவக்கூடியது.இது முக்கியமாக கைகள்,பொம்மைகள், பொருட்கள்,தரை பரப்புகள் மற்றும் ஒரு நபர் இன்னொரு நபரை தொடுவதன் மூலமாக தொற்றிக்கொள்ளக்கூடியதாகும்.

மேலும் இவைகள் காற்று மூலமாகவும் பரவுகிறது(தும்மல்,இருமல்)


Sunday, 5 May 2013

அம்மை போட்டக் குழந்தையை மருத்துவமனைக்கு அழைத்துச் செல்லலாமா?

அம்மை போட்டக் குழந்தையை மருத்துவமனைக்கு அழைத்துச் செல்லலாமா?

அம்மை என்பது வைரஸ் (virus) கிருமியினால் ஏற்படும் தொற்றுவியாதி. காற்றின் மூலமும் ,தொடுவதின் மூலமும் வேகமாகப் பரவக்கூடியது .

இறைநம்பிக்கைக்கும் இதற்கும் தொடர்பில்லை.மருத்துவரிடம் காண்பிப்பது நல்லது.
மருத்துவ மனைக்கு செல்லும் முன் முன்னேற்பாடாக முன் பதிவு செய்யும்போது இது குறித்து நாம் தெரிவித்து விடவேண்டும். இதனால் நாம் காத்திருக்க தேவையில்லாமல் உடனே காண்பித்துவிட்டு வரலாம்.பிறருக்கு நோய் தொற்று வராமல் தடுக்கலாம்.
அல்லது மொபைலில் படம் எடுத்தும் சென்று காண்பிக்கலாம் .



  குழந்தகளைத் தாக்கும் பொதுவான அம்மை நோய்கள்

1.)மணல்வாரி அம்மை(Measles)

2.)தாளம்மை(புட்டாலம்மை)(Mumps)

3.)சிக்கன்பாக்ஸ் (நீர் குளுவான் அம்மை)(chickenpox )

4.)ருபெல்லா அம்மை (Rubella)(German Measles)


மணல்வாரி அம்மை:
6 மாதம் முதல் 2 வயதுடைய குழந்தைகளை அதிகம் பாதிக்கும்.
முகம்,கழுத்து மற்றும் காதின் பின்புறம் ஆகிய இடங்களில் தொடங்கி பின் உடலின் கீழ்பகுதிகளுக்கு பரவும்.
இதற்கான தடுப்பூசி உள்ளது . 9 வது மாதமுடிவில் முதல் தவணை தனியாகவும், 15 மாதத்தில் MMR என்ற மூவம்மை ஊசியாக இரண்டாம் தவணையும் 5 வயதில் MMR மூலம் இறுதி தவணையும் போடவேண்டும்.

மணல்வாரி அம்மை வந்தால் கட்டாயம் மருத்துவரை அணுகவேண்டும்.காய்ச்சலைக்குறைக்கும் மருந்துகளும் ,வறட்டு இருமலை குறைக்க மருந்துகளும் தருவார். இதுபோல் மணல்வாரி அம்மை வந்த குழந்தைகளுக்கு விட்டமின் A நீர்மக்கரைசலை கட்டாயம் தரவேண்டும்.அதையும் மருத்துவர் தருவார் .

மணல்வாரி அம்மை வைரஸ் கிருமி என்றபோதிலும் அது உடலில் எதிர்ப்புசக்தியை வெகுவாகக் குறைப்பதால் பாக்டீரியா நோய்த்தொற்று எளிதில் ஏற்பட்டு நிமோனியா சளி,கடுமையான வயிற்றுப்போக்கு எற்படும்.எனவே மிகக்கவனம் தேவை .

தாளம்மை/புட்டாலம்மை
இது மம்(ப்)ஸ் எனப்படும் வைரஸ் கிருமியினால் வருவது. தாடையில் உள்ள உமிழ்நீர்சுரப்பியை பாதிப்பதால் தாடையின் இருபுறமும் காதிற்கு கீழ் உள்ள பகுதி வீங்கியிருக்கும் .காய்ச்சல் இருக்கும்.

இதற்கான தடுப்பூசி 15 மாதம் மற்றும் 5 வயதில் இரு தவணைகளாக MMR என்ற தடுப்புசி வழியாக போடப்படுகிறது


மருத்துவரை அணுகினால் காய்ச்சல் குறையவும்,தாடை வலி குறையவும் மருந்து தருவார்

சிக்கன்பாக்ஸ் : இது குறித்த தகவல்களை  இணைப்பில் படியுங்கள்


ருபெல்லா அம்மை :
இது பொதுவாக மிதமான காய்ச்சல் , இருமல் மற்றும் கழுத்தைச் சுற்றிலும் சிறுசிறு நெறிகட்டிகளை ஏற்படுத்தும். குழந்தைகளுக்கு பெரிய அளவில் பாதிப்பை ஏற்படுத்தாது

ஆனால் கர்ப்பிணிகளுக்கு ருபெல்லா வந்தால் பிறக்கப்போகும் குழந்தைக்கு பெரிய அளவில் பாதிப்பை ஏற்படுத்தும்
1.பிறவி காது கேளாமை
2.இருதய குறபாடு
3.கண் புரை நோய்
4.வளர்ச்சியடையாத தலை

பெண்குழந்தக்கு கட்டாயம் தடுப்பூசி போடவேண்டும். 15 வது மாதம் மற்றும் 5 வயதில் இரு தவணைகளாக MMR என்ற தடுப்பூசி போடப்படுகிறது .

ஏற்கனவே போடவில்லையென்றாலும் பருவம் அடைந்தபின்னோ அல்லது திருமணத்திற்கு 3 மாதங்களுக்கு முன்போ போட்டுக்கொள்ளவேண்டும் .

அதாவது தடுப்பூசி போட்ட 3 மாதங்களுக்குள் கருத்தரிக்கக்கூடாது


Wednesday, 1 May 2013

உடல் பருமன் அதிகமான குழந்தைகள் தவிர்க்கவேண்டிய உணவுகள் :

உடல் பருமன் அதிகமான குழந்தைகள் தவிர்க்கவேண்டிய உணவுகள்

1.) முட்டையின் மஞ்சள் கரு (egg yolk)
மஞ்சளில் அதிகப்படியான கொழுப்புச்சத்து உள்ளது.ஒரு நாள் முழுக்க தேவையான அளவைவிட அதிக அளவில் ஒரே முட்டையில் உள்ளது. வெள்ளைக்கருவில் புரதம்(protein) அதிகமிருப்பதால் வளரும் குழந்தைகளுக்கு வெள்ளைக்கரு மட்டுமே போதுமானது

2.) மைதா மாவில் செய்த உணவுகள் -
மைதா என்பது ஒரு சீரழிந்த கோதுமை. நார்சத்து அறவே அற்றது.எனவே குழந்தைகளின் உடல் பருமனைக்குறைக்க அறவே தவிர்க்கவேண்டும். உதாரணம்- பரோட்டா,பஃப்ஸ், பன் ,பிரட்

3.) ஆட்டிறைச்சி தவிர்க்கப்படவேண்டும்..(எண்ணையில் பொரிக்காத கோழி மற்றும் மீன் தரலாம்-க்ரேவி அல்லது குழம்பு)

4.) எண்ணையில் பொரித்த உணவுகள்

5.) குளிர்பானங்கள் - கோலா பானங்கள் ; இவைகளில் empty calories தான் உள்ளன்.இவை கட்டாயம் உடல் பருமனை உண்டாக்கும்

6.) நொறுக்குத்தீனிகள் -உருளை சிப்ஸ்

7.) மாவுச்சத்து அதிகமுள்ள-உருளைக்கிழங்கு,வாழைக்காய்,வாழைப்பழம்

8.) இரவில் அரிசி சோறு தவிர்க்கவும்

9.) கேக், ஐஸ்கிரீம் -அடிக்கடி தருவதை தவிர்க்கவும்

10.) காலை உணவினை தவிர்க்ககூடாது. இதனால் உடலில் சர்க்கரை அளவு குறைந்து பள்ளியில் உடல் சோர்வு மற்றும் மனச்சோர்வு ஏற்படும். மேலும் பட்டினி இருப்பதால் அடுத்தவேளை உணவின் சத்துக்களை கொழுப்பாக மாற்றி சேமிக்கத்தொடங்கும்.இதுவே உடல் பருமனின் ஆரம்பப்புள்ளியாக மாறலாம்.சரியான வேளையில் மிதமான அளவில் சாப்பிடும் குழந்தைகளுக்கு உடல் பருமன் வருவதில்லை

Saturday, 27 April 2013

புற்று நோயைத் தடுக்கும் உணவுகள்(Foods to Battle Cancer)

                                 புற்று நோயைத் தடுக்கும் உணவுகள்



வெங்காயம்:


வெங்கயத்தில் அல்லிசின் என்ற புற்றை எதிர்க்கும் வேதிப்பொருள் உள்ளது.சமைத்தபின் சாப்பிடுவதைவிட பச்சையாக உண்பது சிறந்தது

மாதுளம்பழம்:

மாதுளம்பழத்தில் எலாஜிக் ஆசிட்(ellagic acid) என்ற மூலப்பொருள் உள்ளது.இது புற்றுநோய் செல்களின் வளர்ச்சி வேகத்தை குறைக்கும் .



தக்காளி
தக்காளியில் உள்ள லைக்கோபின் என்ற நிறமிப்பொருள் மிகச்சக்டிவாய்ந்த ஆண்டி-ஆக்சிடண்ட். இது பல்வேறுவகையான புற்றுநோய்களை தடுக்கும் தன்மைவாய்ந்த்து. குறிப்பாக ஆண்களுக்கு வரும் ப்ரோஸ்டேட் புற்றினை தடுக்கும்


முட்டைக்கோஸ்,காலிஃபிளவர்:
இவற்றில் உள்ள ஃபைட்டோ ந்யூட்ரியண்ட்ஸ் என்ற வேதிப்பொருள் புற்றுசெல்களின் வள்ர்ச்சிவேகத்தைக் குறைக்கும் தன்மையுடையது

.

தேநீர்
தேநீரில் உள்ள கேட்டச்சின் என்ற பொருள் நுரையீரல் .மார்பு,ப்ரோஸ்டேட் மற்றும் குடல் புற்றினைத் தடுக்கவல்லது.முக்கியமாக க்ரின் டீ ">எனப்படும் பச்சை தேநீரில் இந்த பலன்கள் அதிகம்.


மஞ்சள்
குர்க்குமின் என்ற புற்றை எதிர்க்கும் பொருள் மஞ்சளில் உள்ளது.தமிழர்கள் சங்ககாலத்தில் இருந்தே இதை உபயோகிக்கின்றனர்


ஆளி விதை(Flaxseed)
இதில் உள்ள ஒமேகா 3 (அமோகா அல்ல)  கொழுப்பு எண்ணைகள் புற்றுசெல்களூக்கு எதிராக போராடும் தன்மைவாய்ந்தவை


சால்மன் மீன்
  இதில் உள்ள   ஒமேகா 3 கொழுப்பு எண்ணைகள் புற்றுசெல்களூக்கு எதிராக போராடும் தன்மைவாய்ந்தவை


சர்க்கரைவள்ளிக் கிழங்கு:
  நமக்கு  நன்மை செய்யும் ஒரே கிழங்கு இது. இதில் நிறைய பீட்டா கரோட்டின் என்ற நிறமி உள்ளது.இது நுரையீரல் .மார்பு,இரைப்பை மற்றும் குடல் புற்றுநோயைத்தடுக்க வல்லது.



திராட்சை,ஆரஞ்சு,ப்ரக்கோலி
மேலே கூறிய மூன்று பொருட்களிலும் விட்டமின் சி நிறைய உள்ளது. இவைகல் புற்றைஉருவாக்கும் நைட்ரஜன் மூலக்கூறுகளைத் தடுப்பதின் மூலம் நன்மைசெய்கின்றன


.
வேர்க்கடலை:
இதில் உள்ள விட்டமின் இ - கல்லீரல்,பெருங்குடல் மற்றும் நுரையீரல் புற்றைத்தடுக்கவல்லது.(கடலை நல்ல்ு)

நன்றி: தி டைம்ஸ் ஆஃப் இண்டியா வலைத்தளம்

Friday, 12 April 2013

நிறைய குழந்தைகளுக்கு சிக்கன்பாக்ஸ் பரவிக்கொண்டிருக்கிறது.

நிறைய குழந்தைகளுக்கு சிக்கன்பாக்ஸ் பரவிக்கொண்டிருக்கிறது.



    யாருக்கு வரும் ?

ஏற்கனவே தடுப்பூசி போடாத குழந்தைகளுக்கும் ,
ஏற்கனவே சிக்கன்பாக்ஸ் வராத குழந்தைகளுக்கும் வரும்

அதாவது ஒருமுறை வந்தால் மீண்டும் வருவதற்கு வாய்ப்பு மிகக்குறைவு .

   எவ்வளவு நாள் இருக்கும் ?

5-10 நாட்கள் இருக்கும்






     அறிகுறிகள் என்ன ?

தோலில் சிவந்த சிறு பொறி (rash) ஏற்பட்டு பின் அது நீர்நிறைந்த சிறு கொப்பளமாக மாறுவது என்பதே மிக முக்கியமான தெளிவான அறிகுறி

கொப்புளம் தோன்றுவதற்கு 2-3 நாட்கள் முன்பு வரும் அறிகுறிகள்
1. காய்ச்சல் -மிதமான முதல் கடுமையான
2.தலைவலி
3.பசியின்மை
4.அதிகப்படியான களைப்பு

பொறி(rash) மற்றும் கொப்புளங்கள் (blisters) முதலில் முகம்,கழுத்து,மார்பு,முதுகு போன்றவற்றில் வரும் .பிறகு உடலின் பிறபகுதிகளுக்கு பரவும். வாயின் உட்புறம்,கண்களின் இமை,பிறப்புறுப்பு போன்றவற்றிலும் காணப்படும் .

கொப்புளங்கள் உடைந்து காய்ந்து செதிலாக (scab) மாறுவதற்கு குறைந்தது ஒரு வாரமாகும்.

   


 தடுப்பூசி உண்டா? 

ஆம் .இருக்கிறது . 15 மாதத்தில் (ஒன்னேகால் வயதில்) ஒரு ஊசியும் 5 வது வயதில் ஊக்கத்தடுப்பூசி ஒன்றும் போட்டுக்கொள்ளவேண்டும்.

பெரிய குழந்தைகள்,பெரியவர்களும் தடுப்பூசி போட்டுக்கொள்ளலாம் .

10,12 படிக்கும் மாணவர்களுக்கு ஆண்டின் துவக்கத்திலேயே இரண்டு தவணை ஊசிகளை ஒரு மாத இடைவெளியில் போட்டுவிட்டால் தேர்வு நேரங்களில் பயமின்றி இருக்கலாம் .

தடுப்பூசி போட்டாலும் சிக்கன்பாக்ஸ் வர வாய்ப்புண்டு , ஆனால் பாதிப்பு மிதமாகவே இருக்கும்.காய்ச்சல் அவ்வளவாக இருக்காது .மேலும் கொப்புளங்கள் குறைவாகவே இருக்கும் .

வந்தபிறகு மருத்துவம் உண்டா?



chickenpox அம்மை என்பது varicella zoster என்ற வைரசினால் வருவது; இறைநம்பிக்கைக்கும் இதற்கும் தொடர்பில்லை


சிக்கன்பாக்ஸ் ஒருமுறை வந்தால் மீண்டும் வர வாய்ப்பு மிக மிக குறைவு


முதலில் காய்ச்சல் வந்தபின் அம்மைக்கொப்புளங்கள் தோன்றும் .முதல் கொப்புளம் தெரிந்தவுடனே வைரஸ் எதிர்ப்பு மருந்தான ACYCLOVIR என்ற மருந்தை மருத்துவர் ஆலோசனைப்படி சாப்பிடவேண்டும்.இது மிகமுக்கியம். தாமதமாக ஆரம்பித்தால் பலனில்லை.

குழந்தைகளைவிட பெரியவர்களுக்கு இதன் பாதிப்பு அதிகமென்பதால் உடனே ஆரம்பிக்கவேண்டும்.

தினமும் வெதுவெதுப்பான நீரில் குளிக்கலாம் தப்பில்லை.கடைசி கொப்புளம் ஆறும்வரை கிருமிகள் மற்றவர்களுக்கு பரவவாய்ப்புண்டு.எனவெ கவனமுடன் இருக்கவும்.

அதிகமான அளவில் நீர் அருந்தவும்,பழச்சாறு,சூப் எடுத்துக்கொள்ளவும்.

உடலில் அரிப்பு பொதுவாக ஏற்படும்.அதற்கு calamine lotion பயன்படுத்தவும். காய்ச்சலுக்கு சாதாரண பாரசிட்டமால் மட்டும் பயன்படுத்தவும்.ஆஸ்ப்ரின் மாத்திரையை முற்றிலும் தவிர்க்கவும் .

Sunday, 7 April 2013

குழந்தைகளுக்கு வரும் வெயில்கால நோய்கள் :

குழந்தைகளுக்கு வரும் வெயில்கால நோய்கள் :

1.வேனல் கட்டிகள்(boils,furuncle)
2.சிரங்கு, புண் (impetigo)
3.வியர்க்குரு (prickly heat)
4.நீர் கடுப்பு (strangury)
5.வயிற்றுப்போக்கு (loose stools)

வெயில் காலங்களில் அதிகப்படியான வியர்வை சுரக்கும்.இதனால் பாக்டீரியா கிருமிகள் உரோமத்தின் வேர்களில் பல்கிப்பெருகி வேனல்கட்டிகளை ஏற்படுத்துகின்றன . இவை சிவந்து வலியை ஏற்படுத்தும் .அதிக எண்ணிக்கையில் வரும்போது காய்ச்சலையும் உருவாக்கும் .

சிரங்கு-பாக்டீரியாக்கள் மூலம் பரவும் வியாதி.சுகாதரக் குறைபாட்டால் இவைகள் ஏற்படும்

தடுப்புமுறை : தினமும் குளிர்ந்த நீரில் குளிப்பாட்டவேண்டும்.மண்ணில் விளையாடி வந்தபின் நன்கு சோப்பு போட்டு கழுவவேண்டும்

நீர்கடுப்பு : வெயில்காலங்களில் குழந்தைகள் போதுமான அளவு நீர் அருந்தாமல் இருப்பதால் சிறுநீர் போகும்போது எரிச்சல்,சொட்டு சொட்டாக போவது போன்ற தொந்தரவுகள் ஏற்படும்.சிறுகுழந்தைகள் சொல்லத்தெரியாமல் அழுதுகொண்டேயிருக்கும்.

தடுப்புமுறை :அதிக அளவில் திரவ உணவுகளை (பழச்சாறு,இளநீர்,காய்கறி சூப்) சேர்த்துக்கொள்ளவேண்டும். நிறைய நீர் அருந்த ஊக்குவிக்கவேண்டும் .

வயிற்றுப்போக்கு மற்றும் வியர்க்குரு விரிவாக கீழ்காணும் பதிவுகளில் உள்ளது

குழந்தைகளுக்கு வரும் வியர்க்குரு:
http://babyclinics.blogspot.in/search?q=Prickly+heat&m=1

குழந்தைகளுக்கு வரும் வயிற்றுப்போக்கு :

http://babyclinics.blogspot.in/search?q=Diarrhea&m=1

Saturday, 6 April 2013

ஐந்து வயது குழந்தைக்கு தரவேண்டிய 5 தடுப்புமருந்துகள்

ஐந்து வயது குழந்தைக்கு தரவேண்டிய 5 தடுப்புமருந்துகள்

1. முத்தடுப்பு ஊசி -ஊக்கமருந்து DPT Booster
(கக்குவான்,தொண்டைஅடைப்பான்,ரணஜன்னி )

2. மூவம்மை தடுப்பூசி - MMR Booster
மூவம்மை தடுப்பூசி (மணல்வாரி அம்மை,தாளம்மை,ருபெல்லா) முதல் தவணை 15 வது மாதத்தில் போடவேண்டும் .அதன்பின் ஊக்கமருந்து 5 வயதில் போடவேண்டும்

3.சிக்கன்பாக்ஸ் தடுப்பூசி-chickenpox vaccine Booster
கொத்தமல்லி அம்மை,நீர்குளுவான் என்று அழைக்கப்படும் சிக்கன்பாக்ஸ் அம்மைக்கு முதல் தடுப்பூசி 15 வது மாதங்களில் போடவேண்டும்.அதன்பின் ஊக்கமருந்து தடுப்பூசி 5 வயதில் போடவேண்டும் .


4.குடற்காய்ச்சல் தடுப்பூசி-TYPHOID vaccine Booster
குடற்காய்ச்சல் தடுப்பூசி இரண்டு வயதில் போடவேண்டும்.அதன்பின் 3 வருடங்களுக்கு ஒருமுறை ஊக்க ஊசி (booster dose) போடவேண்டும்

5. போலியோ நோய் தடுப்பு சொட்டுமருந்து
வாய்வழி தரும் ஊக்கமருந்து

Tuesday, 2 April 2013

நியுமோகாக்கல் நோய் என்றால் என்ன?




 நியுமோகாக்கல் நோய் என்றால் என்ன?
       
        ஸ்ட்ரெப்டோகாக்கஸ் நிமோனியா என்னும் பாக்டீரியா தாக்குவதால் ஏற்படும் பல்வேறு வகையான நோய்களின் தொகுப்பை நியுமோகாக்கல் நோய் என்று அழைக்கிறோம் .








அவைகள்
     
      1.Meningitis –மூளைச்சவ்வு அழற்ச்சி நோய்
        2.pneumonia-நிமோனியா சளி
       3.septicemia- ரத்தத்தில்  நச்சுக்கிருமிகள் பரவும் நிலை
         4.otitis media – காதில் சீழ் பிடித்தல்

நியுமோகாக்கல் நோய் யாரை அதிகம் தாக்கும் ?
   

      1.) 2 வயதிற்கு குறைவான குழந்தைகள்

      2.)அடிக்கடி நோய்வாய்ப்படும் குழந்தைகள்


       3.)எதிர்ப்புசக்தி குறைவான் குழந்தைகள்

       4.)குழந்தைகள் காப்பகத்தில் விடப்பட்ட குழந்தைகள்

எவ்வாரு பரவுகிறது?
    இந்த கிருமிகள் குழந்தைகள் மற்றும் வயது வந்தவர்களின் மூக்கு மற்றும் தொண்டையில் வளர்ந்து கொண்டிருக்கும்.

 சிலவேளைகளில் எந்தவொரு பாதிப்பையும் ஏற்படுத்தாது வளர்ந்து கொண்டிருக்கும். பின் இவை தும்மல்,இருமல் மூலம் மற்றவர்களுக்கு பரவும். 

குழந்தைகளுக்கு  நோயெதிர்ப்பு சக்தி  குறைவென்பதால் எளிதில் அவர்களை தாக்கும் தன்மையுடையவை.

பாதிப்புகள்:

Meningitis எனப்படும் மூளைச்சவ்வு அழற்ச்சியினால் – காது கேளாமை, மூளைவளர்ச்சி குறைபாடு, பக்கவாதம் மற்றும் கடுமையான நோயினால் மரணம் கூட நிகழலாம்
Septicemia- சரியான நேரத்தில் சிகிச்சை அளிக்கவில்லையெனில் மரணத்தை ஏற்படுத்தும்
Otitis media- காதில் அடிக்கடி சீழ்வடிதல், காது கேட்கும் திறன் குறைபாடு ஏற்படும்

Pneumonia-கடுமையான காய்ச்சல், இருமல், மூச்சுவிட சிரமப்படுதல் போன்ற அறிகுறிகளை ஏற்படுத்தும்

தடுக்கும் முறை:
    சுத்தம், சுகாதர சூழ்நிலைகளில் வாழ்வது.

    முதல் ஆறு மாதங்களுக்கு கட்டாயம் தாய்ப்பால் தருவது மற்றும் 6 மாதங்களுக்கு பிறகு இணையுணவுடன் தாய்ப்பாலை 2 வயதுவரை தொடர்ந்து தருவது.


நிமோகாக்கல் தடுப்பூசியை குழந்தை பிறந்த 6 வது வாரம், 10 வது வாரம், 14வது வாரம்- என மூன்று தவணைகள் போடவேண்டும்.

ஊக்கத்தடுப்பூசி 18 வது மாதம் போடவேண்டும்.



  

Tuesday, 5 March 2013

குழந்தைக்கு கொடுக்கும் கொலஸ்ட்ரம் பாலின் நன்மை தெரியுமா?

குழந்தைக்கு கொடுக்கும் கொலஸ்ட்ரம் பாலின் நன்மை தெரியுமா?

(நன்றி : ஒன் இந்தியா வலைத்தளம் )


பிறந்த குழந்தை ஆரோக்கியமாகவும், வலுவோடும் இருப்பதற்கு காரணம் தாய்ப்பால் தான். அதிலும் பிரசவம் முடிந்ததும், முதலில் வெளிவரும் தாய்ப்பாலானது மஞ்சள் கலந்த நிறத்தில் இருக்கும். இந்த பாலைத் தான் கொலஸ்ட்ரம் என்று சொல்வார்கள். இந்த பாலானது குழந்தை பிறந்து ஒரு மணிநேரத்திற்குள் வெளிவரும். இந்த நேரத்தில் சிலர் இந்த பாலை குழந்தைக்கு கொடுக்காமல், அப்போது பவுடர் பாலைக் கொடுப்பார்கள் அல்லது சர்க்கரை தண்ணீரை கொடுப்பார்கள். இதற்கு காரணம், அவர்களுக்கு இந்த கொலஸ்ட்ரம் பாலின் நன்மை தெரியாததே ஆகும்.
உண்மையில் இந்த பாலில் தான், சாதாரண தாய்ப்பாலை விட அதிகமான அளவில் சத்துக்கள் நிறைந்துள்ளது. மேலும் இந்த பாலை குழந்தைகள் பருகினால், குழந்தைகளின் உடலில் நோய் எதிர்ப்பு சக்தியானது அதிகரிக்கும். எனவே இந்த உலகில் பிறந்த ஒவ்வொருவருக்கும் ஒரு நல்ல மற்றும் ஆரோக்கியமான உணவு என்னவென்று பார்த்தால், அது கொலஸ்ட்ரம் தான். இப்போது அந்த கொலஸ்ட்ரம் பாலின் நன்மைகளைப் பார்ப்போமா!!!
* கொலஸ்ட்ரம் பாலில் புரோட்டீன்களும், நோய் எதிர்ப்பு சக்தியை அதிகரிக்கும் பொருளும் அதிக அளவில் நிறைந்துள்ளது. இந்த பால் மஞ்சள் நிறத்தில் இருப்பதற்கு காரணம், இதில் அதிகமான அளவில் கரோட்டீன் என்னும் வைட்டமின் ஏ ஆன்டி-ஆக்ஸிடன்ட் உள்ளது.
* அதுமட்டுமின்றி இந்த பாலில் கரையக்கூடிய வைட்டமின்களும், கனிமச்சத்துக்களும் அடங்கியுள்ளன. மேலும் இது சற்று கெட்டியான நீர்மமாக இருப்பதால், இதனை குழந்தைக்குக் கொடுக்கும் போது, இதுவரை நீரில் ஊறிக் கொண்டிருந்த குழந்தையின் உடலானது வெளியே ஒரு புதிய சுற்றுசூழலுக்கு வருவதால் ஏற்படும் வறட்சியைத் தடுக்கும்.
* கொலஸ்ட்ரம் பாலில் சோடியம், பொட்டாசியம், ஜிங்க் மற்றும் குளோரைடு போன்ற குழந்தையின் முறையான நரம்பு மண்டலம், மூளை மற்றும் இதய வளர்ச்சிக்கு தேவையான சத்துக்களும் உள்ளன.
* இந்த பாலை குழந்தைக்கு கொடுக்கும் போது, அவர்களுக்கு உடலில் இருந்து வெளிவரும் முதல் கழிவானது (மலம்) எந்த ஒரு பிரச்சனையுமின்றி எளிதாக வெளிவரும்.
* மேலும் இந்த பாலில் ஆன்டிபாடிகள் அதிகம் உள்ளது. இந்த ஆன்டிபாடிகள் குழந்தையின் இரைப்பையில் எந்த ஒரு பிரச்சனையும் வராமல் தடுக்கும்.
* இந்த பாலின் மற்றொரு சிறப்பு என்னவெனில், இந்த பாலை குழந்தைக்கு கொடுத்தால், அதில் உள்ள சத்தானது, குழந்தையின் வாழ்நாள் முழுவதும் நன்மையைத் தரும்.
* அதுமட்டுமல்லாமல், குழந்தைக்கு மிகவும் சிறிய சிறுநீரகம் என்பதால், அதற்கு போதிய நீர்மத்தை வைத்திருக்கும் சக்தி இல்லாதால், சிறுநீரகமானது ஒருவித அழுத்தத்துடன் இருக்கும். எனவே இதனை குழந்தைகள் குடிக்க, அவர்களின் சிறுநீரகமானது சற்று வலுப்பெறும்.
எனவே இத்தகைய நன்மைகளை உள்ளடக்கிய கொலஸ்ட்ரம் பாலை குழந்தைகளுக்கு கொடுக்க மறக்க வேண்டாம்.


Sunday, 3 February 2013

சிறுகுழந்தைகளுக்கு விக்கல் வருவது ஏன்?

வயிற்றுக்கும் நுரையீரலுக்கும் இடையே உள்ள தடுப்புச்சுவர் உதரவிதானம்,(DIAPHRAGM) என்று அழைக்கப்படுகிறது. இது ஒரு மெல்லிய தசைப்பகுதியாகும் . இது தூண்டப்பட்டால் ,எரிச்சலூட்டப்பட்டால் வருவதே விக்கல் . விக்கல் வரும்போது உதரவிதானத்தசை வேகமாக சுருங்கி விரிகிறது.




 சிறுகுழந்தைகள் பாலுடன் காற்றையும் சேர்த்து வேகமாக விழுங்கும் இயல்புடையவை.இதனால் இரைப்பை(stomach) விரிவடைந்து மேலே உள்ள உ.விதானத்தை தொடுவதால் விக்கல் வரும். இதைத்தவிர்க்க பால் தந்தவுடன் குழந்தையை தோளில் போட்டு குடித்த காற்று முழுவதும் ஏப்பம் (Burping) வழியே வெளியேறச் செய்யவேண்டும்.

சிலநேரங்களில் எந்தவொரு காரணமும் இன்றிகூட விக்கல் வரலாம். மருத்துவரின் அறிவுரையின் பேரில் மருந்துகொடுத்தால் சரியாகிவிடும்


         

குழந்தை அழுதால் என்ன கவனிக்கவேண்டும்?

குழந்தை என்பது அன்பு, மகிழ்வு, உரிமை, உயிர் உறவு. கூடவே, மிகப் பெரிய பொறுப்பு. பச்சிளம் சிசு முதல், பதின் பருவம் வரை குழந்தை வளர்ப்பின் ஒ...