Me

My photo

i am a consultant pediatrician

Friday, 6 August 2010

உலக தாய்ப்பால் வாரம் அகஸ்ட் 1 -7 ,தாய் பாலால் தாய்க்கும் பல நன்மைகள்

உலக  தாய்ப்பால்  வாரம்  அகஸ்ட்  1 -7  வரை  கொண்டாட  படுகிறது . தாய்ப்பாலின் அருமைகளை  விளக்கவே இந்த  விழா கொண்டாட படுகிறது .
உலக தாய்ப்பால் வாரம் அகஸ்ட் 1 -7




#குழந்தை பிறந்த அரை மணி நேரத்திற்குள் தாய்ப்பால் தரவேண்டும் , அறுவை சிகிச்சையில் பிறந்த பின் இரண்டு மணி நேரத்திற்குள் தரவேண்டும் , நேரம் கடந்து தந்தால் பால் சுரப்பது குறைய ஆரம்பிக்கும் .


முதல் இரண்டு மூன்று நாட்களில் சுரக்கும் பால் சீம்பால் எனப்படும் . இது குழந்தைக்கு ஒரு அரு மருந்து . ஒரு தாய் தன் குழந்தைக்கு தரும் சீதனமே இந்த சீம்பால் ஆகும் .குழந்தைக்கு  போடும் முதல் தடுப்பு மருந்து என்றும்  இதை சொல்லலாம் .

இதில் அதிகமாக புரத சத்தும் , நோய் எதிர்ப்பு சத்துக்களும் உள்ளன . விட்டமின்கள் அதிகமாகவும் , எளிதில் செரிமானம் ஆககூடியதும் ஆகும் .



எனவே ஒரு துளி கூட வீணாக்காமல் சீம்பால் தரவேண்டும் .



குழந்தை பிறந்த முதல் இரண்டு வாரம் தனது எடையில் பத்து சதவிகிதம் குறையும் . இது இயல்பானதே , மூன்றாம் வாரத்தில் இருந்தே எடை கூட ஆரம்பிக்கும்


குழந்தைக்கு இரண்டு மணி நேரத்திற்கு ஒரு முறை தாய்ப்பால் தரவேண்டும் .

எடை குறைவான குழந்தைக்கு ஒன்றரை மணி நேரத்திற்கு ஒரு முறை தாய்ப்பால் தரலாம் .



சாதாரணமாக தாய்க்கு ஆறு மாதம் வரை தினமும் 750 ml பால் சுரக்கும் , ஆதற்கு பிறகு 500-600 ml பால் சுரக்கும் . இரண்டு வயது வரை பால் தந்தால் நல்லது.

பால் கொடுப்பதால் தாய்க்கு  மார்பு புற்றுநோய்  , ஓவரி  புற்றுநோய்   வராமல்  தடுக்கப்படும் .

பிறந்த  ஒரு மணி நேரத்திற்குள்  பால் கொடுத்தால் தாய்க்கு  உதிரபோக்கு  குறையும் . ஏனெனில்  பால்  குடிக்கும் போது  oxytocin  என்ற  ஹோர்மோன்  சுரப்பதால்  அது கர்பப்பையை  சுருங்க செய்து  ரத்தபோக்கை குறைக்கும் .

தொடர்ந்து  ஆறு மாதம் தாய்ப்பால் மட்டுமே கொடுத்து  வந்தால்  மாதவிடாய் தள்ளிபோடபடும்  , இதன் முலம்  அடுத்த பிரசவத்தை தடுக்கமுடியும் .

தாய் பாலால்  தாய்க்கும் பல நன்மைகள்  உண்டு . எனவே தவறாமல் தாய்ப்பால் தரவேண்டும்.

குழந்தை பிறந்த முதல் ஆறு மாதங்களுக்கு தாய் பால் மட்டுமே தரவேண்டும்


தண்ணீர் கூட தர தேவை இல்லை ( கோடையில் கூட ) ஏனென்றால் பாலில் 88 % நீர் உள்ளது .

ஆறு மாதங்களுக்கு பிறகு பாலுடன் இணை உணவு தரவேண்டும்

தாய் பால்இரண்டு வயது வரை தர வேண்டும் .

குழந்தைக்கு ஏற்படும் நன்மைகள்

குழந்தை பிறந்தவுடன் தாய்க்கு முதலில் சுரக்கும் பால் சீம்பால் எனப்படும் . இது அளவில் குறைவாக , மஞ்சள் நிறத்தில் இருக்கும் . குழந்தைக்கு தாய் தரும் முதல் தடுப்பு மருந்து சீம்பால் ஆகும் . எனவே முதல் 3-4 நாட்கள் சீம்பால் மட்டும் தர வேண்டும் .

( கழுதைப்பால் , சீனிதண்ணி, சர்க்கரை ஆகிய பொருள்களை பிறந்தவுடன் தரும் பழக்கம் சில இடங்களில் உள்ளது , இது தவறான பழக்கம் .)

பால் பரிசுத்தமானது , எனவே பிறந்தவுடன் சுத்தமான உணவு தாய்ப்பால் மட்டுமே .

பாலில் நோய் எதிர்ப்பு சக்தி தர நிறைய பொருள்கள் உள்ளன .(secretary IgA, Macrophages,Lymphocytes,Lactoferrin, Lysozyme, Bifidus factor,Interferon) எனவே வயிற்றுபோக்கு , சளி முதலிய வியாதிகள் வராமல் தடுக்கும் .

பால் இயற்கையானது எனவே எளிதில் செரிக்கும் .

குழந்தையின் மூளை வளர்ச்சி முதல் இரண்டு வருடங்களில் மிக வேகமாக இருக்கும். அதற்க்கு தேவையான CYSTIENE ,TAURINE ஆகிய சத்துக்கள் தாய்பாலில் சரியான அளவில் உள்ளன . ( கன்றுகுட்டி பிறந்தவுடன் துள்ளி ஓடும் , ஆனால் மனித குழந்தை தத்தி நடக்க ஒரு வருடம் ஆகிறது . ) தாய் பால் மட்டுமே சரியான ஊட்டசத்தை சரியான நேரத்தில் தரும்

Sunday, 1 August 2010

TYPHOID FEVER IN CHILDREN .குடற் காய்ச்சல்; குடற் புண் காய்ச்சல்; நச்சுக் காய்ச்சல்

             TYPHOID  FEVER 
(குடற் காய்ச்சல்; குடற் புண் காய்ச்சல்; நச்சுக் காய்ச்சல் )



இது   SALMONELLA TYPHI  என்ற  நுண்  உயிரியால்  ஏற்படும்   ஒரு வியாதி ஆகும் . இது  மனிதர்களை மட்டுமே தாக்கும் .

எங்கு எல்லாம்  சுத்தம்  குறைவாக உள்ளதோ அங்கு எல்லாம் இந்த வியாதி வரும் .

குழந்தைகளுக்கு  பொதுவாக   1 -5 வயது வரை  எதிர்ப்பு சக்தி குறைவதால் வர வாய்ப்பு  அதிகம் .

INCUBATION PERIOD OF TYPHOID IS 7-14 DAYS

 அதாவது   அசுத்தமான  நீர் , உணவு ( பால் , ஐஸ்  கிரீம் , அரை வேக்காடு முட்டை , சாலட், மோர் ,)   சாப்பிட்ட    பின் ஒரு வாரத்தில் இருந்து  இரண்டு வாரங்களுக்குள்  இதன் அறிகுறி  தெரிய ஆரம்பிக்கும் .

அறிகுறிகள் :

ஒரு வாரத்திற்கு மேல்பட்ட  ஜுரம் . வைத்தியம்  செய்யவில்லை என்றால்   ஒரு  மாதம்        வரை ஜுரம் இருக்கும் .

முதல் வாரம்:
  ஜுரம் , உடல் வலி , குளிர் நடுக்கம் , 
மலசிக்கல்  அல்லது வயிற்று போக்கு  .
குறைந்த  இருதய துடிப்பு ( சாதாரணமாக  சுரம் வந்தால்  இருதய துடிப்பு அதிகமாகும் , ஆனால்  TYPHOID FEVER  வந்தால்  அந்த அளவு  அதிகரிக்காது.RELATIVE BRADYCARDIA ) 
நாக்கின்  மேலே வெள்ளை  நிறத்தில்  படிந்து இருக்கும் (TONGUE COATING)
ROSE SPOTS:சுரம் வந்த ஆறாவது  நாள்  உடலில் சிறு சிறு  சிகப்பு  புள்ளிகள் தோன்றும்

இரண்டாம் வாரம் :

மிகவும்  சோர்ந்த  நிலை ,
 வயிறு வலி , வயிறு உப்புதல் , மண் ஈரல்  வீக்கம்
WIDAL TEST POSITIVE .

(WIDAL TEST என்பது  டைபோய்ட்   சுரத்தை  கண்டுபிடிக்க உதவும்  ஆய்வக பரிசோதனை . இதனை  சுரம் ஆரம்பித்த  ஏழு  நாட்களுக்கு  பிறகே செய்ய  வேண்டும் . ஏழு நாட்களுக்கு  முன்பே செய்தால் நெகடிவ்  என்றே  வரும் .)

மூன்றாம் வாரம் :
மிகவும் மோசமான நிலை ,
எடை குறைவு , வேகமாக மூச்சு  விடுதல் ,
 வயிற்று வலி  அதிகமாதல், வயிற்றில் இரத்த கசிவு  ,
 குழப்பமான மன நிலை

நாலாவது  வாரம் :
  சிறுது சிறிதாக  உடல் நிலை   தேறும் . உடலில்  போதுமான எதிர்ப்பு சக்தி  இருந்தால்  பழையபடி  குணமாகலாம் .

COMPLICATIONS OF TYPHOID;

சரியான நேரத்தில்  கண்டுபிடித் வைத்தியம் செய்ய வில்லை என்றால் கீழே காணும்  மோச விளைவுகள்  ஏற்படலாம்

குடலில் ஓட்டை
கணைய அழற்சி
நிமோனியா
எலும்புகளில்  அழற்சி
விரை அழற்சி

உணவு முறை :
காரம் இல்லாத  எளிதில் செரிக்க  கூடிய  உணவை மட்டுமே  தரவேண்டும்
பட்டினி  போடவே கூடாது , வயிற்றில் உணவு இருந்தால் மட்டுமே  குடல் புண்  சீக்கிரம் ஆறும் .
நீர் சத்து உடலில் குறையாமல்  பார்த்துகொள வேண்டும் .

சரியாக  கண்டுபிடித்து  மருந்து சாப்பிட ஆரம்பித்தால்  நாலு  முதல் ஆறு நாட்களுக்குள் சுரம் குறைய ஆரம்பிக்கும் . அனாலும் சுரம் விட்ட பிறகு  அய்ந்து நாட்களுக்கு  ANTIBIOTIC  மருந்தை  சாப்பிட்டு  வர வேண்டும் .
வயிறு வலி வந்தால் உடனே  மருத்துவரை  பார்க்க வேண்டும் ( குடல் ஓட்டை )


தடுப்பு முறை :

கை சுத்தம் ,நீர்  சுத்தம் ,உணவு  சுத்தம் 

தடுப்பு ஊசி  :  இரண்டு வயதிற்கு மேல்  தடுப்பு ஊசி உள்ளது . இதை மூன்று வருடங்களுக்கு  ஒரு முறை போடவேண்டும் .
ஆறு வயதிற்கு  மேல் பட்ட குழந்தைகளுக்கு  வாய்  வழியே தரும்   CAPSULE  உள்ளது .