Me

My photo

i am a consultant pediatrician

Saturday, 10 July 2010

appendicitis


உடலில் பயனற்ற ஒரு உறுப்பாகவும், பல நேரங்களில் தொல்லை கொடுக்கும் ஒரு உறுப்பாகவும் குடல் வால் (Appendix) உள்ளது.


அந்த உறுப்பில் உண்டாகும் அழற்சியும், அதன் விளைவுகளும் பற்றி காண்போம்.

நம் உடலில் குடல் பகுதி, சிறுகுடல், பெருங்குடல் என இரண்டு பகுதிகளாக பிரிந்துள்ளன.
சிறுகுடல் நாம் உண்ணும் உணவில் உள்ள அனைத்துச் சத்துப் பொருள்களையும், உறிஞ்சும் தன்மை உடையது. சத்துக்கள் உறிஞ்சப்பட்ட உணவின் மிச்சங்கள் சக்கையாக்கப்பட்டு மலமாக மாறி பெருங்குடலில் சேர்ந்து வெளியேற்றப்படுகின்றன. இந்த சிறுகுடல், பெருங்குடலோடு இணையும் பகுதியில், வால் போன்று ஒரு உறுப்பு இருக்கும். இதையே, குடல் வால் (Appendix) என்கிறோம்.

அப்பெண்டிக்ஸ் என்ற சொல்லுக்கு இணைப்பு என்று பொருள். குடலோடு இணைந்த இந்த உறுப்புக்கும் அப்பெண்டிக்ஸ் என்றே பெயர். இனி அதில் ஏற்படும் அழற்சி பற்றி காண்போம்.


வகைகள் :

திடீர் குடல்வால் அழற்சி (Acute Appendicitis) என்றும்,
நாள்பட்ட குடல்வால் அழற்சி (Chronic Appendicits) என்றும் இரண்டு வகைப்படும்.


திடீர் குடல் வால் அழற்சிஇந்நோய் இருபாலருக்கும் வரும். பொதுவாக எந்த வயதில் வேண்டுமானாலும் வரக்கூடியதாக இருப்பினும், பெரும்பாலும் இளைஞர்களுக்கும், சிறு வயதுக்காரர்களுக்குமே அதிக அளவு வருகிறது. இந்நோய் எதனால் உண்டாகிறது என உறுதியாகக் கூறமுடியாவிட்டாலும், மலம் கெட்டிப்பட்டு குடல்வால் உள் புகுந்து, அதை அடைத்துக் கொள்வதால், அந்த இடத்தில் நோய்த் தொற்றும் (Infection) அழற்சியும் (Inflammation) உண்டாகலாம். அல்லது சில வகை வைரஸ்களால் இந்நோய் வரலாம்.



நோயின் அறிகுறிகள் :

வயிற்றில் வலி தோன்றும். இந்த வலி மிகவும் கடுதையாக இருக்கும், அடி வயிற்றின் (Iliac Regeion) வலது புறத்தில் கடுமையாக இருந்தாலும், தொப்புளைச் சுற்றியும், வயிற்றின் மற்ற பகுதிகளிலும் வலியை உணர முடியும்.

குமட்டலும், வாந்தியும் உண்டாகும்.
லேசாக காய்ச்சலோ அல்லது கடுமையான காய்ச்சலோ ஏற்படும்.
உடனடியாக நோயைக் கண்டுப்பிடிக்காமல் விடும் நிலையில், நோய் குடலின் மற்ற பகுதிகளுக்கும் பரவும். இந்நிலையில் கடுமையான வயிற்று வலி மேலும் கடுமையாகும். அடிவயிறுப் பகுதி மட்டுமல்லாது வலி முழுமையாக வயிறு முழுவதும் தெரியும்.

மருத்துவம் செய்யாமல் இந்த நிலையிலும் இருந்தால் நோய்த் தொற்று பரவி, வயிற்றுப் பை அழற்சி (Peritionitis)யை ஏற்படுத்தும். இந்த நிலையிலும் மருத்துவம் செய்யாமல் விட்டால், நோயின் கடுமை அதிகமாகி, குடல் வால் வெடித்து, உயிருக்கே ஆபத்தை உண்டாக்கும்.


:நோயறிதல்:

இந்நோய் பெரும்பாலும் வலி உண்டாகும் இடம், வலியின் தன்மை வாந்தி போன்ற அறிகுறிகளாலேயே அறிப்படுகிறது. சில நேரங்களில் அறிகுறிகள் முழுமையாகத் தெரியாமல் குழப்பம் ஏற்படும். அதுபோன்ற சமயங்களில், ஒலி அலைப் பதிவு (Ultr Sonogram) மூலம் நோயறியலாம். இரத்த பரிசோதனையில், இரத்த வெள்ளணுக்கள் அதிகமாக இருக்கும் சிலருக்கு நோய் அறிகுறிகள் சரியாக தெரியாத நிலையில், குடல் நிணநீர் முடிச்சுகள் அழற்சி போன்றோ, பெண்களாக நோயாளிகள் இருப்பின் கருக்குழாய் அழற்சியாகவோ கூடத் தெரியலாம். ஆனால், ஒலி அலைப் பதிவின் மூலம் பெரும்பாலும் நோயைக் கண்டறிய முடியும்.நாள்பட்ட குடல் வால் அழற்சிசில நேரங்களில் அறுவை மருத்துவம் உடனே செய்ய இயலாத நோயாளிகளுக்கு மருத்துவம் மருந்துகளை உட்செலுத்துவதன் மூலம் மேற்கொள்ளப்படும். அவ்வகை நோயாளிகளுக்கு நோயின் அறிகுறிகள் முழுமையாக மறைந்துவிடும். உடலின் எதிர்ப்புச் சக்தி குறைந்தாலோ அல்லது நோய் தொற்று ஏற்படும் பொழுதோ, நோயின் அறிகுறிகள் மீண்டும் தோன்றும். இந்த நிலை மீண்டும், மீண்டும் தோன்றும் பொழுது, திடீரென்று ஆபத்தான நிலைக்கு நோயாளி சென்றுவிடுவர். அதனால் வாய்ப்புக் கிடைக்கும் பொழுது, அறுவை மருத்துவம் மூலம் குடல் வாலை அகற்றி விடுவதே மிகவும் நல்லதாகும்.மருத்துவம்இந்நோய்க்கு பெரும்பாலும் அறுவை மருத்துவமே சிறந்தது. அடி வயிற்றின் வலதுபுறம் திறந்து, குடல் வால் முழுமையாக அகற்றப்படும். நவீன மருத்துவ யுகத்தில் லேப்ராஸ்கோப் (Laprascope) மூலம், வயிற்றில் சிறு துளையிட்டு, அதன் மூலம் குடல் வால் அகற்றம் (Appendicectomy) செய்யப்படுகிறது. நோயாளி உடனே வீட்டிற்கு திரும்பி விடலாம். சற்று மருத்துவச் செலவு அதிகமானாலும், பரவலாக இம்மருத்துவம் தற்சமயம் செய்யப்படுகிறது. சில நோயாளிகளுக்கு அறுவைச் மருத்துவம் செய்ய இயலாத நிலை ஏற்படும். அந்நோயாளிகளுக்கு நுண்ணுயிர் கொல்லிகள் (AntiBiotics) மூலம் மருத்துவம் செய்யலாம்.

Friday, 9 July 2010


NIMESULIDE ஆபத்து :

Nimesulide என்ற மருந்து சுரத்திற்கு உபயோகபடுத்த படுகிறது .
இதனால் சில பக்க விளைவுகள் வருவதால் பல நாடுகளில் தடை செய்யப்பட்டுள்ளது . ( குடல் புண் , கல்லீரல் பாதிப்பு
ஆனால்இந்தியாவில் இன்னும் இந்த மருந்து உள்ளது .
எனவே இதை குழந்தைகளுக்கு தரும் போது பெற்றோர் விழிப்புடன் இருந்து மருத்துவரிடம் இது குறித்து விளக்கம் கேட்கவேண்டும்

Sunday, 4 July 2010

ஜுரம் - குழந்தைகளுக்கு அடிக்கடி வரும்

ஜுரம் - குழந்தைகளுக்கு  அடிக்கடி  வரும் அன்றாட  நோய் ஆகும் . ஜுரம் குறித்து  சில உண்மைகளை  இங்கே பார்க்கலாம்

 உடல் வெப்பத்தை  அளவிட  இரண்டு  அலகுகள்  உள்ளன :
செல்சீயஸ் &  பாரன்ஹீட்

 நமது   உடலின் சாதாரண வெப்பநிலை 
 36.7-37.2* C     OR   98-99* F


எனவே  நாம்  எந்த  அலகு கொண்டு  உடல்  வெப்பத்தை  அளவிடுகிறோம்  என்பதை  கவனிக்கவேண்டும் .


சராசரி  வெப்பம்        --- 36.7-37.2* C   OR    98-99*F
   மித  ஜுரம்                 ----37.2-37.8*C     OR 99-100*F
   ஜுரம்                          ----37.8-39.4*C   OR 100.-103*F
  அதிக  ஜுரம்          ----39.4-40.5*C   OR   103-105*F
   விஷ ஜுரம்               ---->40.1*C      OR   >106*F

சுரத்தை  அளவிடும்  இடங்கள் :
வாய்:  அக்குள் ;  ஆசன வாய்

  குழந்தைகளுக்கு   அக்குள்  மற்றும்  அசன வாயில் பார்ப்பதே  நல்லது .

ஜுரம் என்பதே ஒரு வியாதி அல்ல , ஒரு அறிகுறி  மட்டுமே .

எதனால்  ஜுரம் வந்துள்ளது  என  பார்த்து  மருந்து  தந்தால் மட்டுமே  ஜுரம் குறையும் .

சுரத்தை  குறைக்க  PARACETAMOL  சிறந்த  மருந்து . குழந்தயின்   எடைக்கு   ஏற்ப  தரவேண்டும் .  15 MG PER  KG.

அதாவது    பத்து கிலோ  குழந்தைக்கு   150 Mg  தரவேண்டும் . ஜுரம் குறையவில்லை   என்றால்  ஆறு  மணிக்கு  ஒரு முறை  தொடர்ந்து  இதே அளவு தர வேண்டும் .

சிரப்   மருந்துகள் -   இரண்டு  அளவுகளில்   சிரப்  வருகிறது .. 125 AND 250

125  என்றால்  5 ML இல்   125 MG  இருக்கும்
ஒரு  ML இல்    25 MG    இருக்கும் .  
  பத்து  கிலோ   குழந்தைக்கு   ஆறு மிலி   தரவேண்டும்


  250  என்றால்    5 ML  இல்  250MG  இருக்கும்
ஒரு ML இல்    50 MG இருக்கும் . பத்து  கிலோ குழந்தைக்கு    மூன்று   மிலி   தரவேண்டும் .


மாத்திரை  அளவுகள் :   125, 250, 325, 500, 650, 750, 1000MG  ஆகிய அளவுகளில்  கிடைக்கும் .


8 கிலோ  குழந்தைக்கு   125MG  ஒரு மாத்திரை  ஆறு மணிக்கு ஒரு முறை தரவேண்டும்

15 கிலோ குழந்தைக்கு  250 MG  ஒரு மாத்திரை ஆறு மணிக்கு ஒரு முறை தரவேண்டும்


20 கிலோ குழந்தைக்கு 325MG ஒரு மாத்திரை ஆறு மணிக்கு ஒரு முறை தரவேண்டும்



30கிலோ குழந்தைக்கு 500MG ஒரு மாத்திரை ஆறு மணிக்கு ஒரு முறை தரவேண்டும்